Ket no tumpaw to man bilang
Toy lubong sirok ti law-ang
Ket ti init isu’t lumgak
Iti laud a tangatang
Toy daga a nabaligtad
Panawen ton masakbayan
Ket dumteng to’t panagsaknap
Kanit a maipalpalais
Agituray ti sapasap
No to piek to’t mangseppeg
Ti kali a tumatayab.
Kastanto man a nagsirib
Dagiti nengneng a billit
Ta ti nagsiglat ‘sut bagtit
Nasisingpet to’t nakarit
Ti prinsesa ket agari
Ti nadursok a babai
Agruknoy maat-lalaki
Ay! Saanak a maikari
No dayta ket maikurri
‘toy daga awanan lisi
Ngem anian a nagkasam-it
Nakurapay agapit
Kinabakanang
Manipud langit
Baknang; lua a napait
Ay! Ania’t makuan toy isip….
(Saanak la ketdi a maikari, ta naim-imnas met laeng ti agbiag a nasudi….)
